Asturianes

La esposición 'Asturianes' a partir de la obra homónima d'Alicia Álvarez presenta paneles coles ilustraciones de María Ortiz de venti muyeres y coleutivos asturianos inspiradores xunto con información de caúna, un escenariu pa facer semeyes coles cigarreres de Cimavilla y vitrines con oxetos venceyaos cedíos por protagonistes o ciudadanos. Amás la Oficina de Normalización Llingüística de Xixón y la Universidá Popular entamen un ampliu programa d'actividaes como complementu a la muestra.