Arenes Movedices: 'Atlas' (Experiencia de Realidad Expandida)

Los artistes Yann Deval y Marie-g Losseau convídennos a reflexonar sobre la influencia que tien l'urbanismu y la arquiteutura nel nuesu mou de vida con 'Atlas', una esperiencia singular de realidá espardida (amiestu de Realidad Virtual y Aumentada) cola que podremos construyir ciudaes enormes nun mundu virtual. La obra combina les artes visuales y les artes dixitales, y parte d'una esposición escenográfica formada por una serie de maquetes de cases feches a mano qu'arrodien al espectador (en suelu, na parede, nel aire…). Al traviés de dispositivos de realidá aumentada, estes maquetes conviértense na base d'un universu dixital en tresformación continua, nel que l'usuariu pue somorguiase pa descubrir ciudaes nueves.
Les cases en crecimientu siguirán dalgunas regles urbanístiques, adaptándose al so entornu. Atoparemos ciudaes nes nubes, ciudaes desenraigonaes, ciudaes sobre pilares, ciudaes voladores, ciudaes llaberíntiques… Ciudaes vacíes, ensin habitantes, que nos dan la posibilidá d'imaxinar lo qu'asocede dientro de les sos cases. Ciudaes pa caleyar y perdenos. Ciudaes nes que, con o ensin la interaición de los usuarios, lo inanimao acaba cobrando vida.

Podemos pensar en 'Atlas' como una apropiación poética de videoxuegos de mundu abiertu como 'GTA' o 'Worlds of Warcraft', o de dalgunos d'estratexa como 'Civilization'. La gran diferencia ye qu'equí nun hai misión; nun hai meta. Sólo analayo, contemplación y filoxera creadora. 'Atlas' ye, en definitiva, una obra entregada a la esperiencia de los usuarios.