'Acreedor@s', de Calibán Teatro

Esta obra d'August Strindberg ye un testu poderosísimu del que sal la xente siempre impautada y plasmada; asina como un trabayu actoral complicáu y mui arriesgáu que nun ta dexando indiferente a naide. Adolf, un artista mozu, espera con ansia'l regresu de la so pareya, Tekla, una muyer espontánea y lliberada cola qu'arrastra una rellación tormentosa. Mientres aguarda, atopa alliviu nes pallabres d'un personaxe estrañu, Gustaf. Pronto, el consuelu tresformaráse en destrucción conforme van abriéndose les firíes vieyes, les inseguridaes quedan al descubiertu y les deudes antigües entamen a reclamase.

La representación va acompañada de la esposición 'Strindberg, pionero del selfie', una escoyeta d'autorretratos del xeniu suecu, procedente del Strindbergsmuseet d'Estocolmu y allugada na propia escena.

REPARTU

Adolf: Chema Coloma.

Gustaf: José Emilio Vera.

Tekla: Elda García.