'8,56. Inspirada en un salto de Yago Lamela'

Una traxedia del sieglu XXI. '8,56. Inspirada en un salto de Yago Lamela' ye una obra de ficción inspirada nun saltu de Yago Lamela fechu nel Mundial d'atletismu de Maebashi nel 1999. Alredor d'esi saltu hai dellos elementos que resuenen a la traxedia griega antigua, como la hibris del héroe tráxicu y el so enfotu por dir más allá de les sos lllendes, la idea de destín na lesión de talón d'Aquiles que sufrió Yago, la noción de Dios nel cuerpo sobrenatural d'Iván Pedroso –un rival insuperable– y la de polis, quedando la derrota individual de Yago enmarcada nuna derrota coleutiva, la de Madrid, que se presenta trés vegaes como candidata pa organizar los Xuegos Olímpicos y fracasa.

Poro, si la traxedia nació pa dar voz a los que nun la tuvieron, '8,56. Inspirada en un salto de Yago Lamela' pretende dar visibilidá a la problemática de los deportistes d'élite cuando deben abandonar el mundu de l'alta competición y refacer les sos vides.

Dramatuxa y direición: Julio Béjar.

Intérpretes: Federico Ortiz , Javier Lago, Tanea Peña, Silvia Morell y Joseph Ewonde.