Pulgarina

'Yera una vez una neña tan pequeña que nun yera a ver les coses con perspectiva…'.


Espo-cuentu basáu nel llibru Pulgarina, de La Fabriquina Creaciones culturales. Ye una fascinante historia ilustrada na que Pulgarina, una protagonista diminuta y ablayada pol so tamañu, entama un viaxe de descubrimientu personal onde nada ye lo que paez sinón namás una cuestión de perspectiva.


El martes 7 de payares a les 18.30 h va haber una llectura musicada de Pulgarina, per parte d’Alicia Álvarez. Y el sábadu 11 de payares, de 11.30 a 13.00 h, vamos tener un taller de creación artística pa la reciella, al rodiu d’esti cuentu, a cargu d’Alicia Varela. Hai que s’apuntar primero nel 985 18 13 89 (de 9.00 a 14.00 h) o en llinguaasturiana@xixon.es.