Autocine: 'Te estoy amando locamente'

Sevilla, 1977. Reme ta arguyosa de que'l so fíu Miguel vaya a convertise nel primer universitariu de la familia. Anque lo que de verdá quier Miguel ye ser artista y cantar nun popular concurso de televisión.

Nun momentu nel que n'España la homosexualidá ye delitu, Reme descubrirá tamién quienes son los amigos nuevos del so fíu: l'incipiente movimientu LGTBI andaluz, xestáu paradóxicamente nel senu de la Ilesia. La historia d'una madre viuda capaz de too, inclusive de vencer los sos prexuicios pol amor al so fíu, nunos años 70 onde esistía la llei de peligrosidá social, norma pola que'l coleutivu LGTBI entamó la llucha pola so derogación, p'algamar l'aceptación de la sociedá.

Añu: 2023.

Estáu: España.

Direición: Alejandro Marín.

Guión: Alejandro Marín y Carmen Garrido.

Repartu: Ana Wagener, Omar Banana, Alba Flores y Jesús Carroza.

Música: Nico Casal.

Fotografía: Andreu Ortoll.

Producción: Escándalo Films, ESCAC Films, Zeta Studios y La Pepa Films.

Xéneru: comedia y drama.