Las aves

L'empresariu mozu Pisteter y la so compañera Evélpides nun pueden tornar a casa. Tampoco nun se-yos ocurre otru llugar onde poder dir a vivir la vida cómoda, relaxada y llibre d'impuestos pola qu'ellos nagüen.

L'alcuentru accidental con una inocente bubiella en metá de la viesca-yos fadrá plantegar un cambiu d'estratexa: ¿y si arrenunciaran a la so condición humana y convirtiéranse n'aves? O tovía meyor: ¿y si convenciesen a les aves del mundu pa crear una sociedá nueva basada nos principios fundamentales del individuu, la propiedá y la competencia?

La empresa nun será cenciella. Tendrán que convencer a les mases con un rellatu sólidu y apasionáu, tendrán que negociar con vieyos poderes qu'habiten nel mundo dende l'entamu (y que quiciabes nun tean dispuestos a aceptar cambiu nengún), tendrán que combatir con mano de fierro la disidencia y, hasta tener una conversación cara a cara cola democracia y el capitalismu.

'Les aves' d'Aristófanes estrenóse'l 414 a.C. La comedia esplica la historia de dos atenienses adineraos que, fartos de la inxerencia pública nos sos asuntos particulares, abandonen el mundu de los humanos y convencen a les aves pa crear una civilización nueva.

• Dramatuxa: Joan Yago.
• Direición: Israel Solà.
• Intérpretes: Xavi Francés, Aitor Galisteo-Rocher, Esther López y Marc Rius.
• Escenografía, vestuariu y illuminación: Albert Pascual.
• Espaciu sonoru: Guillem Rodríguez cola colaboración d'Arnau Vallvé.
• Producción: La Calòrica cola collaboración del Festival Temporada Alta y el sofitu de la Sala Beckett.