'Erwin Olaf. Un mundo que desvanece'

Mostrar la probitú de la esistencia con que vivimos nel presente sieglu. Ésa ye l'alma de la obra del internacionalmente aclamáu artista neerlandés Erwin Olaf (Hilversum, 1959), ún de los grandes renovadores de la fotografía y el videu narrativos dende lo últimos de los años 90. Esta muestra presenta una escoyeta mui precisa de semeyes y desarrollos audiovisuales col intentu esplícito de mostrar la progresiva alienación y incomunicación del ser humanu na metrópolis del sieglu XXI, domináu pol pesu de los tabús y les convenciones sociales.

Baxo'l comisariáu del Dr. Paco Barragán, y col sofitu de la Embaxada del Reinu de los Países Baxos nel Estáu, la esposición recueye 80 fotografíes, vídeos y videoinstalaciones feches a partir del añu 2000 qu'averen al visitante a les claves d'una práutica artística que, de manera sofisticada y complexa, capta aspeutos como l'ansiedá, la vulnerabilidá, la soledá o la señardá nun mundu en plena crisis y suxetu a inimaxinables y radicales tresformaciones. 'Erwin Olaf. Un mundo que desvanece' nun s'articula de manera cronolóxica, sinón temática.