'Alma', de Sara Baras

La 'bailaora' y coreógrafa gaditana Sara Baras regresa al Centru Niemeyer llueu de los sos esitosos pasos nos años 2014 y 2019 pel espacio cultural de la ría. Y failo pa presentar el so espectáculu nuevu, 'Alma', un abrazu enorme nel que'l flamencu abraza al boleru, y el boleru déxase abrazar pol flamencu, pa facese seguiriya, soleá, caña, garrotín, bulería…

Les formas, los colores y la sensualidá agarraes de manera inexorable nun xiru inesperáu, la cadencia fecha xirón, l'amor a sacos rotos, vacíu sobre la voz y la guitarra, y nes manes la maxa y nos pies el destín. 'Alma' ye un chisgu constante, una aventura nos recuerdos de melodíes que nos acompañaron siempre; una creación d'una marca singular, d'una forma de entender la vida y llevalo a compás; de componer too alredor d'una manera de contemplar el mundu dende músiques totalmente nueves con soníos de siempre adaptaos a los palos más tradicionales del flamencu.