Dalle mio nena

'Dalle mio nena' ye'l primer podcast rural en clave femenina del Estáu. Un programa cultural de radio mensual que percuerre los pueblos d'Asturies pa contar les histories invisibles de les muyeres que deciden quedar o volver al orixe.

El pasáu, el presente y el futuru de los pueblos entemécense nuna conversación informal ente muyeres d'edaes y perfiles diferentes (cultura, artesanía, agricultura...) que caltienen vivu'l mediu rural asturianu. De calter itinerante, l'oxetivu ye tratar l'actualidá del mediu rural en tonu distendíu, la innovación nes tradiciones como mediu de vida y la importancia de la difusión del patrimoniu valiendo d'altavoz a les sos guardianes.

Ye un proyeutu pioneru de les periodistes Aitana Castaño y Marta Pérez y producíu pola axencia de comunicación rural Melodijopérez que nel 2022 foi reconocíu pol Ministeriu d'Agricultura col Premiu a la Escelencia na Innovación pa Muyeres Rurales na estaya de Comunicación.