Ladies Football Club

El día 6 d'abril del añu 1917 (un vienres) la radio del frente anunciaba nuevos muertos; ente ellos, el príncipe Friedrich Karl, sobrín del káiser Guillermo y bronce en saltu a caballo na olimpiada del 1912. El día 6 d'abril del añu 1917 (un vienres) Lenin preparaba la Revolución Rusa. El día 6 d'abril del añu 1917 (un vienres) Estaos Xuníos entraba en guerra. Pero, sobre manera, el día 6 d'abril del añu 1917 (un vienres) na pausa de la xinta, once trabayadores de la Doyle & Walker Municiones entamaben a correr tres un balón.

El fenómenu del fútbol femenín naz n'Inglaterra nos años de la Primer Guerra Mundial. Equipos que se convirtieron en llexendarios, formaos poles trabayadores de les fábriques testiles o de municiones, y qu'en pocu tiempu algamaron un afeutu enorme y atención del públicu, provocando la hostilidá por parte de les instituciones masculines del fútbol.

Finada la guerra munchos d'estos equipos foron obligaos a disolvese por llei llueu d'unos años d'ésitos increíbles. Col regresu de los homes del frente, les trabayadores perdieron los sos puestos nes fábriques y tornaron a casa.

Autor: Stefano Massini.

Direición: Sergio Peris-Mencheta.

Adaptación: Sergio Peris-Mencheta con la colaboración de Daniel Val.

Repartu: Noemí Arribas, Xenia Reguant, Ana Rayo, María Pascual, Nur Levi, Alicia González, Carla Hidalgo, Irene Maquieira, Andrea Guasch, Diana Palazón y Belén González.

Composición musical: Litus Ruiz.

Direición musical: Joan Miquel Pérez.

Producción: Barco Pirata con Teatros del Canal y Producciones Rokamboleskas.