Jazz Xixón: 'Bach (Re)inventions', de Moisés P. Sánchez Invention Trío

El pianista Moisés P. Sánchez recrea les quince 'Invenciones' pa tecláu de J.S. Bach y trailes al so universu al traviés d'unos arreglos mui cuidaos nos que s'aprecia la so singular personalidá jazzística y creativa. El resultáu ye un vuelu musical fascinante que suena a una desbordante imaxinación, la de so y la de Pablo Martín Caminero (contrabaxu) y Pablo Martin Jones (percusión), los dos músicos brillantes que lu acompañen.

Esti conciertu va ser la presentación del discu espublizáu por MarchVivo/Outhere (ochobre, 2021), una iniciativa de la Fundación Juan March que tien l'ambición de recoyer dalgunos de los proyeutos más singulares nacíos baxo l'amparu d'esa institución.

Conciertu entamáu en collaboración cola Sociedad Filarmónica de Gijón.