BSO de 'Los pájaros' en direuto con Amorante

Amorante ye'l proyeutu personal del etnomusicólogu y multinstrumentista vascu Iban Urizar. L'artista, siempre acompañáu de la so trompeta, los sos pedales de mezcla, el so armónium indiu y un pequeñu sintetizador, dará nesta ocasión un xiru nuevu a los sos tonos populares, ensin tiempu nin espaciu definíos, pa enfrentase a la obra emblemática d'Alfred Hitchcock, 'Los pájaros', y, al empar, incorporar significaos nuevos a los cacarexos resultantes de la sinfonía de Bernard Herrmann, omnipresentes nel filme del inglés.

Añu: 1963.

Llargor: 115 minutos.

Idioma: versión orixinal n'inglés subtitulada en castellanu.

País: Estaos Xuníos.

Direutor: Alfred Hitchcock.

Guión: Evan Hunter, sobre un relato de Daphne Du Maurier.

Repartu: Tippi Hedren, Rod Taylor, Jessica Tandy y Suzanne Pleshette.