'Un sieglu de teatru del pueblu: el Teatru Popular Asturianu', de Sergio Buelga

Nos cien años últimos, el Teatru Popular Asturianu convirtióse nun fenómenu artísticu y social de primera magnitú pa la cultura del pueblu asturianu y nún de los sofitos fundamentales pa la espresión de la so identidá. 'Un sieglu de teatru del pueblu: el Teatru Popular Asturianu' preséntase como un amiestu de propuestes complementaries que conformen un conxuntu abiertu a la participación activa de los asistentes.

Esta propuesta de Sergio Buelga inclúi la reproducción d'un videu d'una escena representativa del Teatru Popular Asturianu a mou d'introducción, una charra onde se van desendolcar les estayes xenerales del movimientu, la representación d'un sainete qu'amosará les sos carauterístiques formales y un Teatru-fórum, un momentu últimu d'alderique y retroalimentación ente los ponentes/actores y el públicu asistente.