'Amanda y les castañes máxiques', d'Ambigú Media Broadcast

Amanda ye una neña que vive cola madre embaxo un horru; so padre morrió y tán pasando muncha necesidá, asina que la única solución que tienen pa poder tirar ye vender la última pita que-yos queda.

Con esti aquel, Amanda marcha cola pita pal pueblu, pero pel camín atopa un vieyu misteriosu que-y ufre cambiar la pita por unes castañes máxiques. A Amanda paez-y una idea estupenda y, gayolera, vuelve pa casa.

A so ma nun-y sentó nada bien el cambiu, enfadóse cola fía y tiró les castañes pela ventana. Al otru día, les castañes medraren hasta'l cielu; naciera una castañal xigante.

Al final, les castañes yeren máxiques de verdá y l'arbol conduce a un sitio secreto…