'Carlos Berlanga. Eterno retorno'

La esposición presenta una escoyeta de pintures, dibuxos, obra seriada y única escultura conocida del iconu de la cultura pop nel Estáu nos años 80 y 90 , xunto a pieces de diseñu gráficu y orixinales autógrafos de lletres de los sos cantares, mientres que na sala suena una antoloxía de los sos meyores temes nun conciertu d'Alaska y Dinarama nel programa de TVE 'La Edad de Oro'. Amás, también se presenten rareces como una pintura ensin terminar, fecha a cuatro manes por Carlos y el so proxenitor, Luis García Berlanga, asina como un guapu cuadernu con bocetos, dibuxos y un esbozu de carta autógrafa.

Igualmente, el públicu pue acceder a materiales de trabayu con un gran valor didáuticu: los calcos serigráficos fechos por Carlos pa estampar la serigrafía 'Personajes en paisaje metafísico'. La esposición complétase con una suite de retratos de Carlos cola firma de los meyores fotógrafos del momentu, dende Alberto García-Álix a Miguel Trillo, y una seleición d'obres d'un piñu d'artistes que tuvieron mui cerca y orbitaron al so alredor en dalgún momento de la so vida: demde Alaska y Pedro Almodóvar hasta Carmen Santonja y Gloria van Aerssen, les so bienqueríes Vainica Doble.