Tres veranos

Cada avientu, ente Navidá y Añu Nuevu, Edgar y Marta entamen una celebración familiar na so lluxosa casa de branu xunto a la playa. Nel 2015 too paez tar bien, magar dalgunes llamaes telefóniques tenses. Nel 2016, la fiesta añal cancélase de sópitu. Nel 2017, les sos vides tán pates arriba.

¿Qué pasa con eses persones invisibles que viven na órbita de los ricos y poderosos cuando estes vides colapsen? Al traviés de la mirada d'una emplegada y un padre vieyu escaecíu, entrambes víctimes de la velea neolliberal, vemos un retratu del Brasil contemporaneu xusto enantes de la traxedia del 2018.

Les señales taben toes ellí, pero nun sabíamos cómo lleeles.

Añu: 2019.

Llargor: 94 minutos.

Idioma: versión orixinal en portugués subtitulada en castellanu.

País: Brasil.

Direutora: Sandra Kogut.

Guión: Sandra Kogut e Iana Cossoy Paro.

Repartu: Regina Casé, Jéssica Ellen, Gisele Fróes, Rogério Fróes, Vilma Mello, Otávio Muller, Carolina Pismel, Daniel Rangel, Carla Ribas, Luciano Vidigal y Alli Willow.