Danza Xixón: 'Pasionaria', de La Veronal

Imaxina esi llugar del que toos falen. El llugar nel que vamos a convertir tou esto. Esi mundu creáu a partir de tolos nuesos esfuercios a lo llargo d'esti tiempu. Esi llugar al que llamamos progresu.

Pasionaria podría ser el nome d'esi llugar, d'esi planeta. Ellí viven unos seres similares a nós, perfectamente diseñaos pa imitanos. Lo que llamamos vida convirtióse nun paisaxe artificial y los sos habitantes n'artiluxos teunolóxicos que perdieron cualesquier tipu de pasión.

Esta obra cuestiona'l desapegu emocional al que nos diriximos. Una reflexón al rodiu la idea de progresu que se ta imponiendo. Un mundu artificial al que somos emburriaos, llanzaos de forma violenta, onde l'individualismu y la cobardía moral va convirtiendo'l mundu nun llugar d'adultos indefensos. Un futuru, obviamente, llonxanu enforma.