Autocine: 'Earwig y la bruja'

Non a tolos güerfanos-yos gusta vivir nel orfanatu de St. Morwald’s, pero Earwig adóralo. Tien tolo que necesita pa ser una moza feliz dende'l primer día que s'abrieron pa ella les puertes del centru.

Sicasí, too camuda'l día que Bella Yaga y Mandrake visiten St. Morwald como si foran padres adoptivos. Earwig treslládase al so llar, una casa enorme repleta de cuartu invisibles, pociones y llibros de fechizos, con maxa en cada requexu.

Anque munchos neños fuxeren d'ellí ensin pensalo, Earwig decide investigar. Emplegando'l so propiu inxeniu (y dalgo d'ayuda d'un gatu falador), decide demostrar a tol mundu quién manda na casa.

Títulu orixinal: 'Aya to Majo'.

Añu: 2020.

Llargor: 82 minutos.

País: Xapón.

Direición: Goro Miyazaki.

Guión: Hayao Miyazaki, Keiko Niwa y Emi Gunji a partir de la novela de Diana Wynne Jones.

Música: Satoshi Takebe.

Productora: Studio Ghibli y NHK Enterprises.

Xéneru: animación.

Nun recomendada a menores de 7 años.