Tres Mujeres Magnum: Eve Arnold, Inge Morath y Cristina García Rodero

Eve Arnold (Philadelphia, Estaos Xuníos, 1912-Londres, Reinu Xuníu, 2012) foi la primer muyer qu'entra na axencia Magnum como miembru de plenu derechu. Failo nel 1951 con 39 años.

Hasta cuatro años depués, nel 1955, nun lo fadría la segunda muyer, Ingeborg (Inge) Morath (Graz, Austria, 1923-New York, Estaos Xuníos, 2002). Pa qu'entrase un fotógrafu español habría que esperar 50 años, y sería una muyer: Cristina García Rodero (Puertollano, Ciudad Real, 1949).

Güei na axencia Magnum hai 99 fotógrafos representaos; d'ellos namái hai 17 muyeres. Non toos son miembros de plenu derechu; son nominaos, convidaos, y otros graos. Sólo 11 d'elles son muyeres miembros de plenu derechu.

Esta esposición ye un homenaxe a estes trés muyeres na fotografía, que frayaron les llendes y los tópicos del oficiu de fotógrafu, amás de demostrar que la muyer sabe contar el mundu, representar la realidá y los suaños de la vida d'homes y muyeres. Que supieron abrir puertes y ventanes pa toles que vinieron depués.

Fotógrafes y artistes con una mirada propia, una forma de contar diferente y carauterística. Trés muyeres mui especiales, como amuesen nes sos imáxenes, reflexu d'elles mesmes y de la so sensibilidá.