RADAR Ciclu La Memoria n'Imáxenes: 'Rebecca'

Ésta ye la primer película que'l xeniu británicu Alfred Hitchcock fixo en Hollywood y, llamativamente, la única que llogró un Oscar a la Meyor Película baxo la so direición. 'Rebecca' ta basada na novela homónima de la escritora británica Daphne du Maurier, espublizada nel 1938.

Al pocu tiempu de perder a la so esposa Rebecca, l'aristócrata inglés Maxim De Winter conoz en Montecarlu a una moza humilde, dama de compañía d'una señora americana. De Winter y la xoven cásense y marchen a vivir a Inglaterra, a la mansión de Manderley, residencia habitual de Maxim.

Nome col que se comercializa n'España: 'Rebeca'.

Direutor: Alfred Hitchcock.

País: Estados Unidos.

Añu: 1940.

Llargor: 130 minutos.

Repartu: Laurence Olivier, Joan Fontaine, George Sanders, Judith Anderson, Nigel Bruce, Reginald Denny, C. Aubrey Smith y Gladys Cooper.

Idioma: versión orixinal n'inglés y francés con subtítulos en castellanu.

Guión: Robert E. Sherwood y Joan Harrison a partir de la novela de Daphne Du Maurier.

Fotografía: George Barnes (B/N).

Montaxe: W. Donn Hayes.

Música: Franz Waxman.

Producción: Selznick International Pictures.

Non recomendada pa menores de 13 años.