Pequeños de Cine

Esiste un cine destináu a les audiencies más moces y al públicu familiar que tien como oxetivu, amás de proporcionar entretenimientu y contaxar entusiasmu, ufrir a esti públicu conteníos diversos, alternativos y innovadores que-yos permitan crecer como espectadores críticos. Un tipu de cine que desgraciadamente atopa pocu acomodu nos ámbitos comerciales del audiovisual y que comparte con Llaboral Cinemateca una vocación pola formación d'espectadores nuevos con una mirada más abierta y plural.

Nesta sesión ideada de manera especial pal públicu infantil y xuvenil, reunimos obres orixinales y estimulantes qu'arramen idees y encantu, munches d'elles con una trayeutoria esitosa en festivales estatales y internacionales. El so llargor ta ente los 3 y los 15 minutos.

'Island': Robert Löbel y Max Mörtl (Alemaña, 2017).

'Stuffed': Élise Simoulin, Édouard Heutte, Clotilde Bonnotte, Anna Komaromi, Marisa Di Vora Peixoto y Helena Bastioni (Francia, 2018).

'Washing Day': Claire Lamond (Reinu Xuníu, 2018).

'Gone with the rain / Prošlo je s kišom': Siniša Ercegovac (Croacia, 2018).

'Brotar': Montse Piñeiro (España, 2019).

'Oh Corbeau! Oh Corbeau!': Pierre Garcia-Rennes (Canadá, 2018).

'L'inverno': Gurli Bachmann (Suiza / Alemaña, 2019).

'The Kite / Pouštět draka': Martin Smatana (Rep. Checa / Rep. Eslovaca, 2018).