El Cine de los Martes: 'Corpus Christi'

Narra la historia de Daniel, de 20 años de edá, qu'esperimenta una tresformación espiritual mientres vive nun Centru de Detención Xuvenil. Quier ser sacerdote, pero esto ye imposible por mor de los sos antecedentes penales.

Cuando ye unviáu a trabayar a un taller de carpintería nuna pequeña población, a la so llegada faise pasar por cura y faise cargu de manera accidental de la parroquia llocal. L'apaición del mozu y carismáticu predicador ye una oportunidá pa que la comunidá llocal empecipie'l procesu de sanación tres una traxedia asocedía nesi llugar.

• Títulu orixinal: 'Boze Ciało'.
• País: Polonia.
• Llargor: 116 minutos.
• Direutor: Jan Komasa.
• Guión: Mateusz Pacewicz.
• Música: Evgueni Galperine y Sacha Galperine.
• Fotografía: Piotr Sobocinski Jr.
• Intérpretes: Bartosz Bielenia, Eliza Rycembel, Aleksandra Konieczna, Tomasz Zietek y Leszek Lichota.
• Idioma: versión orixinal en polacu con subtítulos en castellanu.