Cine a la Lluz de la Lluna: 'Mi vecino Totoro'

Esti clásicu de Miyazaki ta consideráu por dalgunes espublizaciones especializaes como la meyor película d'animación de la historia del cine: Un profesor universitariu marcha a vivir al campu coles sos dos fíes pa tar cerca de la madre de les neñes mientres ésta se recupera nun hospital. Nun entornu idílicu y tranquilu la vida trescurre de manera apacible hasta qu'apaez un ser qu'habita na viesca.

Totoro ye un ser que namái pueden ver los más pequeños y siempre ta dispuestu a ayudalos con una sorrisa. Con esta llamativa allianza surdirá una serie de prestoses peripecias que tabién van deprender a les dos críes munches coses valioses.

Una historia hermosa y emocionante apta pa toles edaes y tolos corazones.

Nome orixinal: 'Tonari no Totoro'.

Direutor: Hayao Miyazaki.

País: Xapón.

Añu: 1988.

Llargor: 86 minutos.

Guión: Hayao Miyazaki.

Animación: Hisao Shirai (Studio Ghibli).