Carmen Souza
- Música
Fecha:
Hora:
Preciu:
Llugar:
Conceyu:
- Gijón/Xixón
Escoyida pol Music Jazz Critics Poll NPR, de la radio nacional pública d'Estaos Xuníos, como una de les 'Best Jazz Singers', la voz de Carmen Souza ye difícil de describir, porque recuerda a Nina Simone y tamién a Billy Holliday; a Sarah Vaughan y a Carmen McRae. Souza tamién tien dalgo de Joni Mitchell y un puntu de Ricki Lee Jones. Y ye que, si dalgo demostró esta cantante moza nacida en Lisboa y de padres caboverdianos, ye qu'asimiló y tresformó por completo estes y otres influencies, y potencióles col so vocabulariu propiu.
Nos sos discos últimos, Carmen amosó la so maña y aciertu na fusión d'esi deliciosu cocktail de ritmos del archipiélagu con elementos del jazz contemporaneu y la música afro-lñatina. 'Kachupada' o 'Epistola' son bona prueba d'ello.
Agora Carmen espubliza un discu nuevu, 'Creology', grabáu nuevamente xunto a Theo Pascal, nel que reúne elementos de la cultura criolla. Un viaxe per Cabu Verde, Mozambique y Angola, pero también per Brasil, Cuba y La Nouvelle-Orléans.
Carismática y apasionada, a ratos dulce y n'otros señardosa, Souza amuesa una vegada más l'ampliu espectru de la so maña musical como cantante, intérprete y compositora.
