Luis Fercán

Luis Fercán presenta 'Grieta'. Con sólo 23 años tien al llombu un percorríu intensu al frente de la que foi la so formación última, Persé, del que fixo llabor de composición, de cantante y de guitarrista.


Dende hai trés años lleva mostrando'l so trabayu en solitariu al traviés de les sos redes sociales y agora, por fin, asoleya'l so primer llarga duración.


Enantes de qu'esti primer álbum viera la lluz, el gallegu dionos un adelantu con 'Buenos Aires' y 'Enséñame a bailar', pero dende'l pasáu xineru podemos disfrutar en toles plataformes dixitales del so discu 'Grieta' qu'agora presenta n'Asturies.