Petit Pop

Guaḥes y adultos disfrutarán en familia de cantares que, pola so sonoridá y temática, coneuten con públicu de toles edaes. Petit Pop repasará los temes de los sos discos anteriores ('Surf en la bañera', 'Vámonos en bici', 'No nos da pereza la naturaleza'…) y de les canciones del so inminente trabayu nuevu nun conciertu participativu y prestosu que nun se pue perder estes Navidaes.


Fundáu nel 2010, Petit Pop fórmenlo Mar, Lara, Cova y Pedro, miembros de diverses bandes asturianes como Pauline en la Playa, Nosoträsh, Undershakers, Penélope Trip o Edwin Moses. Con eses trayeutories nun ye d'estrañar que nel momentu nel qu'empezaron a vese arrodiaos de nenos, siguiesen faciendo lo que-yos gusta adaptándose a la situación nueva…, anque con bastante menos tiempu.


El resultáu ye música familiar na que'l sentíu del humor y los plizcos a la vida diaria son el marcu perfeutu pa esplorar, al traviés del universu infantil, toes aquelles coses que nos prontes; que nos sorprenden; que nos lleven a facenos entrugues; que nos asusten… Y que son, en definitiva, sentimientos y emociones interxeneracionales universales.