Idolo de Peñatú

Asitiáu en Puertes de Vidiago, a doce quilómetros de Llanes, atópase l'Ídolu de Peñatú, un crespón d'arenisca que destaca al oeste de la Sierra de La Borbolla, nuna redolada onde se caltienen unos cincuenta túmulos.

Na so parte inferior tien un pequeñu abrigu nel que s'alluguen les pintures y grabaos. El so estáu de caltenimientu ye deficiente, por mor, fundamentalmente, de los efeutos de la erosión.

Pueden estremase dos tipos de representaciones: el primeru compónse d'esquematizaciones pintaes, series de puntuaciones y antropomorfos, mentes que'l segundu, grabáu y pintáu, inclúi al ídolu puramente dichu y un puñal.

Yá de dómina moderna, caltiénse un tercer grupu formáu por cruces grabaes y piquetiaes.

Los motivos del ídolu y el puñal, xunto coles carauterístiques del so allugamientu (abrigu predresu asitiáu nuna redolada consagrada en dómina megalítica como área funeraria), son los factores que dexen rellaicionar el conxuntu rupestre de Peñatú cola presencia del enterramientu de dalguna persona de relieve.