Dani Nel·lo y Los Saxofonistas Salvajes

Esti proyeuto surde del alcuentru de Dani Nel·lo colos nomaos Saxofonistas Salvajes, los creadores d'un llinguaxe musical al traviés del saxofón que marcó pa siempre la historia de la música popular dende'l sieglu XX.

El saxu tenor foi la piedra angular sobre la que se construyó'l rhythm and blues y el primer rock and roll. El so soníu foi la primer voz de rebeldía sónica contra'l sistema musical establecíu, frayando barreres raciales y sociales. Por supuesto, el saxu yá tenía un papel destacáu tanto na era de les big bands como nel be bop, pero ye a primeros de la década de los 50 del sieglu pasáu cuando eclosiona como axente desinhibidor y sinónimu de mocedá. Esti proyeutu recueye la voz de los saxofonistas qu'iniciaron y continuaron esti llinguaxe visceral y salvaxe. Dani Nel·lo recueye'l testigu d'esta tradición musical cola vocación d'evitar que s'estinga la lluz cola qu'aquellos fonistes un día brillaron. Nel·lo versiona nesti álbum de catorce temes a dalgunos de los sos héroes saxofonísticos, como Arnett Cobb, Noble Watts o Red Prysock. Unos son conocíos pal gran públicu y otros resulten más anónimos, pero toos, per separtao y como conxuntu, conformaron un fenómenu únicu y insólitu na historia de la música popular.

Componentes:

• Dani Nel·lo: saxu tenor.
• Pere Miró: saxu barítonu.
• Dani Baraldés: guitarra.
• Héctor Martín: guitarra.
• Anton Jarl: batería.
• Matías Míguez: baxu.
• Albert Sabater: percusión.