Esti centru atópase nuna casona rural de dos plantes llevantada nel sieglu XVIII, qu'esperimentó socesives ampliaciones y cambios. L'edificiu ta compuestu de trés cuerpos, el central más adelantáu, y dos llaterales nos que destaquen los corredores de la primer planta.
ESPOSICIONES PERMANENTES
El centru articúlase en dos plantes. Na baxa atópense recepción, tienda, sala multiusos, les oficines y los talleres pa dellos usos.
Na alta allúgase'l muséu puramente dichu. Dalgún de los espacios en que foi estremada lleva un nome rellacionáu cola novela ""La aldea perdida"".
El hombre. El microcosmos del autor. La redolada humana y el mediu natural que-y ve nacer.
La obra lliteraria. Un reflexu de la so producción lliteraria y del espardimientu de la mesma. Podemos sentir la so voz y escuchar dalgún estractu de les noveles.
Nolo y Demetria. El ritmu vital del llabrador vien señaláu poles actividaes diaries y pol ciclu estacional. El novelista describe paisaxe, personaxes, llugares, viviendes y actividaes.
Plutón y Joyana. Naz una manera nueva de ganase la vida. El trabayu nel interior, el soníu de picar contra la roca sustitúi al repiquetéu del martiellu al cabruñar. Negror, esplosiones, escombros, vagones, ruiu, carbón, muncho carbón...
El territorio. Un espaciu pobláu dende antiguu qu'axuntacarauteres rurales y urbanos. Actividaes agrícoles y ganaderes conviven cola esplotación del carbón y los espacios naturales.
