Casa Natal de Xovellanos

Gaspar Melchor de Xovellanos foi ún de los principales esponentes de la Ilustración nel Estáu. El Muséu Casa Natal que lleva'l so nome ta allugáu nuna casa palaciu construyida ente finales del sieglu XIV y principios del sieglu XVI, onde nació l'escritor nel 1744. Morrería na población asturiana de Veiga nel 1811.

Yá dende la dómina de Xovellanos, l'edificiu sufriría delles reformes qu'afeutaríen a la so fachada y a la so distribución interna. Nos años cincuenta del sieglu XX empezaron les obres d'adaptación del edificiu pa convertilu en muséu, inaugurándose finalmente nel 1971. Adosada al edificiu ta la capiella de los Remedios, onde s'atopa'l Mausoléu de Xovellanos.

Dende la so inauguración la programación del muséu céntrase nel estudiu y espardimientu de la figura del ilustráu, asina como la conservación, documentación, investigación y espardimientu del patrimoniu artísticu municipal.