'Odds against tomorrow (Apuestas contra el mañana)'

Afirmaba Melville ver más de cien vegaes esta película dirixida por Robert Wise y escrita pol blacklisted Abraham Polonsky con nomatu a partir d'una novela d'un pocu conocíu especialista del xéneru, William P. McGivern. Como dellos de los policíacos melvillianos, 'Odds against tomorrow' céntrase na preparación y execución d'un atracu, dando pie a Wise y Polonski a la ellaboración d'un discursu antirracista. Pero al marxe d'esti aspeutu –ayenu a los intereses de Melville–, la influencia del filme de Wise materializóse nuna de les escenes más célebres filmaes pol direutor francés, la de la espera del furgón que han d'atracar en 'Le deuxième souffle' (1966), escena mui deudora d'una similar de 'Odds against tomorrow'.


Estaos Xuníos, 1959.

Direición: Robert Wise.

Guión: Abraham Polonsky, Nelson Gidding y John O. Killens (novela de William P. McGivern).

Repartu: Harry Belafonte, Robert Ryan, Shelley Winters, Ed Begley, Gloria Grahame y Will Kuluva.



Idioma: inglés con subtítulos en castellanu.