Obra d'Alfonso II El Castu, la Cámara Santa ye'l llugar nel que'l que se guarden les ayalgues más valioses d'Asturies: la Cruz de los Ánxeles, símbolu de la ciudá d'Uviéu, y la Cruz de la Victoria, símbolu representáu na bandera del país. Equí guárdase amás el que se cree que ye'l Santu Sudariu de Xesucristu.
La Cámara Santa ye de planta rectangular y dos pisos: l'inferior, llamáu Capiella o Cripta de Santa Leocadia, cúbrese con bóveda de cañón sobre plintu con toscos lunetos; y el superior, Capiella de San Miguel, ta dividíu en trés tramos, calteniendo la cabecera primitiva y siendo'l restu de la segunda metá de sieglu XII. Cúbrese con bóveda de cañón reforciada por trés arcos sofitaos sobre seis columnes de piedra caliar, a les que tán adosaes de dos en dos les estatues de los doce apóstoles.
Tamién nel interior, sobre la puerta d'ingresu, hai embutíes nel muriu trés cabeces esculpíes en piedra, correspondientes a una crucifixón, qu'orixinariamente tenía los cuerpos pintaos. Güei la parte pictórica desanicióse dafechu.
Conceyu:
- Oviedo/Uviéu
