'Vivienda y desarrollu urbanu en Xixón: Les 1.500 de Pumarín'

Esta esposición recueye tamién el contestu políticu y social del Xixón de los años cincuenta del sieglu XX, según les principales iniciatives urbanístiques feches mientres l'ámbitu cronolóxicu de xestación del proyetu (1952-1962). Mientres la dictadura franquista, nel tránsitu de la autarquía al desarrollismu, Xixón carez un importante déficit de viviendes pa trabayadores. Dende la iniciativa oficial inténtase desaniciar el problema per aciu la construcción de bloques d'edificios, xeneralmente en barriaes perifériques. La iniciativa más importante y emblemática de toes va ser la puesta en marcha del Polígonu de 1.500 nel barriu de Pumarín, entamáu pol Instituto Nacional de la Vivienda. Ésta ye proyeutada por un grupu d'arquiteutos que proponen un diseñu urbanísticu y arquiteutónicu nuevu de la vivienda social, combinando torres n'estrella y bloques llineales de distintos altores, alternándolos con espacios llibres, acordies colos principios de la Carta d'Atenes.