L'elisir d'amore

Humor y tenrura dan la mano nesta obra maestra de Gaetano Donizetti. Una sátira elegante y sofisticada que cuenta la hestoria del inocente Nemorino, perdidamente namoráu de l'astuta y pícara Adina, a quien tamién fai la corte'l sarxentu Belcore. Nemorino compra al doctor Dulcamara, ¿arteru psicólogu o charrán ensin escupulicios?, un mestranzu que, supuestamente, infunde la chispa del amor cola idea de conquistar a Adina.


Esta comedia agriduz ye una de les xoyes de la ópera risible del sieglu XIX pola frescura vocal, l'acertada caracterización de los personaxes y la entrañable tenrura d'unos arquetipos llenos d'humanidá. Donizetti esplega un cantar llenu de llixereza, claridá y guapura. La orquestación, bien pensada y brillante, axústase de forma perfecha a cada situación.


Una comedia musical que tuvo un ésitu triunfal y caltúvose en cartel trenta y dos nueches consecutives nel Teatru della Cannobiana de Milán, dende'l so estrenu'l 12 de mayu de 1832.


Ficha artística:

Adina: Beatriz Díaz

Nemorino: José Bros

Belcore: Edward Parks

El doctor Dulcamara: Alessandro Corbelli

Gianetta: Marta Ubieta

Dirección musical: Óliver Díaz

Dirección d'escena: Joan Anton Rechi