Gala X Premiu al Meyor Cantar
- Música
Fecha:
Hora:
Preciu:
Llugar:
Conceyu:
- Avilés
El vienres 29 de setiembre del 2017, los cuatro intérpretes o grupos finalistes van actuar en directo na Gala d’entrega del X Premiu al Meyor Cantar, nel Teatru Palacio Valdés d'Avilés.
Los finalistes d'esti añu son:
- Luis Núñez y los Folgazanes, con 'La ñeve y la esmeralda'.
- Bras Rodrigo, con 'Naquel malecón'.
- Hoboken Band, con 'Sonrises nel cielu'.
- Odón del Paganéu, con 'Soi ya vengu de Tinéu/La inconformidá'.
Tamién actuará na gala la ganadora de la edición pasada, Anabel Santiago. Depués d’escuchar los cantares, un xuráu independiente, formáu por un máximu de nueve y un mínimu de cinco persones rellacionaes con ámbitu de la música asturiana va escoyer el meyor cantar del añu 2016.
El 'Premiu al Meyor Cantar' nació nel añu 2007 como reconocimientu del Gobiernu a la creación musical en llingua asturiana o gallego-asturiano. El prestixu y sonadía d’esti gallardon medra con cada edición, de manera que ye yá un referente ente los creadores musicales asturianos. Nestos años pasaron per él dellos de los meyores grupos ya intérpretes de la escena del país, con munches y diferentes propuestes que muestren la vitalidá y dinamismu de la música fecha en nos idiomes del país.
