Estrada

La esposición axunta 24 obres recientes d'Adolfo Estrada (Buenos Aires, 1942), figura clave del arte concreto n'España y próximu al Hard edge, movimientu de la pintura astracta que se desenvolvió en California a partir de los años sesenta, herederu de la mesma de los fundamentales movimientos renovadores que s'empecipien Europa va cien años, como De Stijl (L'Estilu), colos qu'Estrada comparte dellos postulaos, como'l so interés por otres disciplines y más concretamente pola arquitectura.


Con una llarga trayectoria d'esposiciones n'Europa y América Llatina, la obra d'Estrada atopase en numberoses colecciones públiques, incluyendo'l Museo Nacional Centro de Arte Reina Sofía, ente otros.


Acompaña a la esposición una documentada biografía, con testos de Carlos Martí Aris, Luis Marsans y Juan Ariño, prestixosu museógrafu y autor del diseñu del montaxe de la esposición, que se realiza cola collaboración de Michael Dunev Art Projects y el Conceyu de Xixón.