II Ciclu de cine científicu

Cola proyección de la película 'Blade Runner' de Ridley Scott, va dar empiezu'l segundu ciclu de cine científicu qu'entama la Fundación Municipal de Cultura nel marcu del programa de divulgación científica 'Xixón conciencia'. Nesti ciclu van proxectase grandes títulos del cine nos que s'enceten diverses árees de la conocencia científico y tecnolóxico. Clonaciones, grandes matemáticos, viaxes espaciales y robots van tar presentes n'una amuesa que dexa patente que la ciencia forma parte del séptimu arte. Les películes van ser presentaes por José Ignacio Fernández del Castru.


Programa:


Miércoles 20: Blade Runner (Ridley Scott, 1982). Duración:117 minutos. Los Ánxeles, 2019. Tyrell Corporation fabricó robots biónicos idénticos a los seres humanos pero muncho más fuertes y dinámicos, destinaos a trabayar como esclavos en colonies espaciales. Tres la sangrienta rebelión de dalgunos d'estos androides, llamaos 'replicantes', son 'retiraos' (executaos) por axentes de policía ('blade runners').


Xueves 21: Gattaca (Andrew Niccol, 1997). Duración: 106 minutos. Vincent, concebíu 'a la vieya usanza' n'una sociedá escoyida xenéticamente por aciu fecundaciones in vitro, nació con unu defectu cardiacu que lu conderga a trabayos socialmente despreciaos. Daquién suxire-y cómo formar parte de la élite social: suplantando a un antiguu deportista, por fuerza paralíticu. Cola so nueva personalidá ye escoyíu pola empresa aeroespacial Gattaca para una misión en Titán. Tou va bien hasta que'l director del proyectu apaez asesináu.


Vienres 22: L'abrazu de la culiebra (Ciro Guerra, 2015). Duración: 125 minutos. Karamakate yera de mozu un respetáu xamán, malvive güei nes fondures de la selva amazónica convertíu en 'chullachaqui', una especie de pulgu vacíu de ser humanu. Pero solmena la galbana y recupera los sos abandonaos saberes para ayudar a un etnobotánicu norteamericanu que busca la mítica y activa planta secreta llamada 'yakruna'.


La segunda parte del ciclu va ser los díes 7, 14, 21 y 28 de payares nel CMI Ateno de La Calzada.