Grandes del Sella
- Esposiciones
Fecha:
Preciu:
Llugar:
Conceyu:
- Avilés
La esposición Grandes del Sella, entamada pola asociación Amigos de Dionisio de la Güerta, onde'l so presidente ye Alberto Estrada, trata sobro los entamos del piragüismu n'Asturies, el desenvolvimientu del Descensu Internacional del Sella y l'hestoria de los clubes de la contorna.
Dicha esposición cunta cola collaboración de la Fundación Deportiva Municipal d'Avilés, el Comité Organizador del Descensu Internacional del Sella y dellos clubes deportivos: Club de Mar, Club Náuticu Ensidesa, Asociación Atlética Avilesina, Piragües Pariente Polledo, Sella Adaptado Fedema, y José Ramón Álvarez, una de les persones más venceyaes al descensu del Sella n'Avilés.
La esposición Grandes del Sella cuenta la hestoria de los entamos del piragüismu n'Asturies que se remonten al añu 1929, nel conceyu de Piloña, con Dionisio de la Güerta y los sos collaboradores, ente los que destaca Francisco Lorente, un de el promotores del piragüismu n'Avilés.
Na amuesa podrá vese una colección con semeyes de vencedores del Sella, cartelos, documentos, modelos de piragües antigües y modernes, remos y otros oxetos.
Tamién dedica un espaciu a los presidentes del Comité Organizador del Descensu Internacional del Sella: Emilio Llamedo, Titu Pumar, José Antonio Modino y Juan Manuel Feliz.
Otra parte centrase nel Descensu del Sella adpatáu y los clubes de piragüismu de la contorna d'Avilés: Club virgen de las Mareas, Club de Mar, Club Náutico Ensidesa, Asociación Atlética Avilesina y Club Halcón de Corvera.
La esposición completase con una reproducción de la mesa de trabayu de Dionisio de la Güerta, la so máquina d'escribir y maleta de viaxe.
