'Mariano Moré y la pintura de temática minera en Asturias (1920-1940)', a cargu de Juan Carlos Aparicio

No que fai a la presentación de la obra de Mariano Moré Cors (1899-1974) titulada 'Niño de la Cuenca / Y llegará a ser hombre, ca.' (1927), dientro del programa 'La Obra Convidada del Muséu de Belles Artes d'Asturies', fadráse un itinerariu pola pintura de temática minera n'Asturies, tan significativa pa l'autor y tamién nes artes plástiques del país ente la tercera y quinta década del sieglu pasáu, contribuyendo con ello a recuperar un periodu especialmente interesante de la pintura asturiana. Asina, Mariano Moré, Evaristo Valle, Joaquín Vaquero, Paulino Vicente y Eugenio Tamayo, entro otros artistes asturianos, encetaron esti argumentu con especial interés, inclusive tres el quebru que supunxo la Revolución d'Ochobre y la inmediata Guerra Civil.

Juan Carlos Aparicio Vega ye Doctor n'Hestoria del Arte pola Universidá d'Uviéu, con una tesis, entitulada 'Galerías de Arte en Asturias (1918-2005). Espacios y promotores', dirixida por Javier Barón. Foi becáu pa la realización de diversos proyeutos d'investigación pol Muséu Nicanor Piñole (2000), el Muséu Casa Natal de Xovellanos (convocatories del 2005, 2006, 2007 y 2009) y la Xunta Xeneral del Principáu d'Asturies (2008), según la Fundación Alvargonzález, que nel 2015 escoyólu pa la realización d'una monografía sobre'l pintor Mariano Moré Cors.