Brand upon the brain!

Nun hai cineasta que la so filmografía asemeye más a la Criatura de Frankenstein que'l canadiense Goy Maddin, empeñase en da-y una nueva vida a los calabres del cine del pasáu. Les sos películes tán constríes con evocaciones de vieyes imaxes, xuníes polos costurones de sópitos cortes visuales y sonoros.


Brain upon the brain! ye un fascinante relatu freudiano nel qu'un ficticiu Gpu Maddin torna al orfanatu que rexenten los sos padres, onde pasó la so infancia. Ellí, l'héroe afayará los misteriosos esperimentos qu'el so padre realizaba colos internos. Pero l'espectador tamién será testigu de todo tipu de maravíes retro-tecnolóxiques, de les fazañes d'una detective xuvenil y de les virtúes d'un elixir de la mocedá. Una bella fábula sobre la impronta que los bisarmes de la infancia dexen na vida adulta, narrada con tanta ironía como sinceridá.


Añu: 2006

Duración: 95 min.

Idioma: Cine mudu con intertítulos n'inglés subtitular en castellán

País: Canadá

Director: Guy Maddin

Producción: Amy Y. Jacobson, Gregg Lachow

Guión: Guy Maddin, George Troles

Fotografia: Benjamin Kasulke

Repartu: Erik Steffen Maahs, Maya Lawson, Katherine Y. Scharhon, Catherine O´Malley