Materia revelada

Na esposición preséntense un conxuntu de pieces de la colección d'arte contemporaneu del Muséu Casa Natal de Xovellanos definíes por enfatizar la materia cola que tán realizaes. Les cualidaes plástiques de la parafina, el cartón, l'aceru o la madera, resulten trascendentales na concepción d'unes obres que d'otru llau abrense a distintes propuestes y métodos de trabayu. Asina, nel casu de Concha Jerez y el so 'Muro de Olvido' , el fierro ferruñosu procedente d'un esguace d'Avilés sírve-y pa realizar una reflexón sobe el conceutu de 'non llugar' y el so significáu. La estratexa duchampiana del oxetu atopáu' ye utilizada por Fernando Redruello y Paco Fernández pa rescatar fragmentos de madera y utilizalos nes sos obres con unes resultancies bien distintes. Adolfo Manzano se vale de la parafina pa construyir una evocación de la cabañaa primitiva colo que tien de reivindicación de vuelta a la naturaleza. Papel y cartón son utilizaos respectivamente por Irma Álvarez-Laviada y María Jesús Rodríguez pa buscar efectos de relieve sobre la superficie plana del soporte. Nel casu del Angular de Camín, la contundencia del aceru remembra les formes y los paisaxes industriales que tán na base de la producción d'esti artista de llarga trayectoria.