A dragon arrives!

Un thriller inclasificable ya inesperáu d'una de les cinematografíes más respetaes del cine contemporaneu. Xineru de 1965, el Primer Ministru iranín ye asesináu frente al Parlamentu. El detective Hafizi ye unviáu a una remota islla del Golfu Pérsicu pa investigar el sospechosu suicidiu d'un prisioneru políticu. Sicasí, lo qu'atopa ye un misteriu entá mayor. En plenu ermu, hai un campusantu. Dicen que ta encantáu y que si daquién ye soterráu nél desamarrará un tarrecible terremotu. Ende empiecen unes pesquises policiales que se van estender a lo llargo de cincuenta años dempués, conectando asina col Irán de güei.



Con toques surrealistes y estrafalarios y pintorescos personaxes, Haghghi realiza una provocadora disección de la hestoria recién d'Irán.



Añu: 2016

Duración: 108 min.

Idioma: V.O. en persa subtitulada en castellán

País: Irán

Director: Mani Haghighi

Producción: Mani Haghighi

Guión: Mani Haghighi

Fotografia: Houman Behmanesh

Repartu: Amir Jadidi, Homayoun Ghanizadeh