Exposición del artista, del arte y del territorio

Miguel Marinero

Escultura y moda, pieces indixebrables

Una esposición formada pola unión d'escultura y moda, que s'amuesa na Ilesia de la Llaboral al traviés d'una serie de pieces creaes pol diseñador Miguel Marinero inspiraes nos Cubos de la Memoria del artista Agustín Ibarrola, na villa de Llanes.

Del artista, del arte y del territoriu ye l'exemplu de la fusión del arte cola hestoria y la personalidá del artista y de la naturaleza. Sensaciones surdíes del descubrimientu de Marinero pola ópera de colores sobre'l formigón del puertu marín de la Villa de Llanes. Formigón que da pasu a una interpretación de colores que tiñen les pieles y apurren testures diverses; escolleres que bañen el mar Cantábricu ya inspiren creaciones esclusives.

Cada prenda de corderu dibuxada, cortada, tiñida, cosida y pintada a mano, guarda una hestoria propia tan personal como'l diseñador, un puzzle artesanu de pieces úniques, concebíes pa conformar diseños que son afitaos. Esclusives creaciones reversibles, imaxinaes pal sol y l'agua en colores primarios, suañaes como tierra, agua, y aire. Materializaes dende l'universu personal d'un artista, que conoz la hestoria de la moda como parte de la so propia vida y ye capaz d'enfusase nel territoriu d'otres artes, d'otros mundos.

Miguel Marinero rescata la hestoria de les escolleres, el formigón bañáu pol Cantábricu que yá recreó nel añu 2004 cola esitosa esposición La Memoria de los Artistes. Ibarrola - Marineru. La escultura y la moda siguen xuníes so la mesma trayectoria evolutiva de los sentíos. Pol color de l'agua, de la tierra. Piedra y piel n'erosión, pervivencia del arte y l'idea.

La esposición ta patrocinada pola Conseyería d'Empléu, Industria y Turismu del Gobiernu del Principáu d'Asturies y cuenta cola collaboración de l'Asociación de Diseño y Moda (ADYMO).