Festival de Danza: Le Corps du Ballet

BALLET DE MARSELLA
MÚSICA: P. C. SCHOLTEN
COREOGRAFÍA: Y. GRECO, P. C. SCHOLTEN

Fundáu en 1972 pol coreógrafu Roland Petit, el Ballet Nacional de Marsella (BNM) foi dirixíu por Marie-Claude Pietragalla y dempués por Frédéric Flamand, que lu abrieron a nueves esperiencies artístiques. Dende 2014, Emio Greco y Pieter C. Scholten tán al frente, ufiertando un estilu particular empecipiáu nel centru internacional ICKamsterdam d'Holanda. El so universu coreográficu bebe del llinguaxe clásicu y de la danza postmoderna. Nes sos actividaes denominaes Le corps du ballet recueyen investigaciones sobre nueves formes de ballet contemporaneu.
L'alcuentru ente l'individuu y el grupu. Este ye una tema común nestos coreógrafos, que cuestionen les llendes de la danza clásica. Le Corps du Ballet National de Marsella ye una obra de 2015 que s'inspira na obra lliteraria de Elias Canetti, titulada Masa y poder. Los famosos pas de deux muévense delantre d'un grupu que ta estrechamente xuníu, como una tribu. Pasáu y presente coesisten y choquen, con una música llena d'enerxía. Un grupu nel que la potencia de cada cuerpu se promueve p'ameyorar el potencial del conxuntu.