REAL STRAITS. Conciertu especial fin de xira y fin d'añu 2016

REAL STRAITS son siete conocíos de la escena musical axuntaos col enfotu de rindir homenaxe a una de les bandes más talentoses y célebres de la hestoria de la música popular: los DIRE STRAITS.

En REAL STRAITS el papel de Mark Knopfler ye asumíu pol guitarrista Ángel Miguel, acompañáu de Dany León a la guitarra, Samuel Rodríguez y Mario Fueyo a los teclaos, Alejandro Blanco a la batería, Antón Ceballos al baxu y Juan Flores al saxo. Parte d'esti elencu son o fueron músicos d'Ilegales, Loquillo, Willie Nile o Elliot Murphy, ente otros.

Nos sos directos recreen los grandes ésitos de los Dire Straits, que sosprienden y emocionen a los más fieles siguidores de la banda británica.

Na actualidá, atópense somorguiaos na xira 30 Aniversariu de “Brothers in Arms” 1985-1986, que conmemora la edición d'unu de los discos más importantes de la hestoria del rock y que convirtieron a Dire Straits na banda más importante del planeta.