Jazz nel Centro: Hugo Fernández Quartet

Hugo Fernández ye un guitarrista mexicanu formáu en Boston (Berklee) y Nueva Orleans. Formó parte de l'agrupación Cordelia, liderada pola actriz y cantante Lola Botello, amás de grabar dos dúos cola vocalista Celia Mur y el guitarrista acústicu Ernesto Cortázar. El so últimu álbum de jazz contemporaneu, tituláu Cosmogram (Origin Records), foi aclamáu pola crítica especializada y cuenta na so banda col baterista Antonio Sánchez, miembru del prestixosu Pat Metheny Group. Nel conciertu del Antiguu Institutu acompañarálu unu de los músicos cubanos más solicitaos del nuesu país, Ariel Brínguez (saxo tenor), amás d'otros músicos prestixosos como'l baxista Tomás Merlo y el baterista arxentín Andrés Litwin.