Marga Lorences (curdión) , Merce Santos (zanfona) y Dolfu R.Fernández (vigulín)

Los conciertos del muséu. Ciclu Folk de Cámara Igor Medio.

Marga Lorences (acurdión) Tres de pasar per munches formaciones folk asturianes y grupos de música tradicional, como foron Xaréu y Ástura, anguaño combina’l so llabor docente na Escuela de Música Tradicional La Quintana de Xixón y n’educación secundaria cola so actividá como curdionera en diverses formaciones, como son La Bandina’l Tombo y Caldu & Os Rabizos. 

Merce Santos (zanfona). El trabayu que vien desarrollando esta ayerana como zanfonera ta rellacionáu con dos nomes propios: per un llau el grupu folk La Bandina del que forma parte dende’l so entamu, y per otru la Escuela de Música Tradicional “La Quintana”, onde ye mayestra de zanfona a partir de la so creación. Anguaño forma parte d’un nuevu proyeutu musical: el cuartetu La Bonturné. 

Dolfu R.Fernández (vigulín y voz). Dolfu lleva trabayando na escena musical asturiana dende va más de quince años, pasando por grupos etnográficos, bandines tradicionales, grupos de folk… Présta-y especialmente buscar les conexones ente la tonada y otres producciones vocales de la tradición y el vigulín. Reparte’l so tiempu ente tocar en La Bandina’l Tombo, DRD y Acuéi? y enseña música y asturiano na escuela primaria.