El Cartel Deportivu na colección del Muséu del Pueblu D'Asturies (1940 - 2000)

Nel sieglu XX la práctica del deporte xeneralizose ente la población y convirtióse nun productu de consumu. Les competiciones deportives empezaron a anunciase con cartelos col fin d'atraer públicu. Tolos deportes van emplegar el cartelu. Los más antiguos y numberosos son los de fútbol, ciclismu, bolos, boxéu, hípica o piragüismu, que son los deportes más populares y que concentren mayor númberu d'espectadores. Según avanza la centuria van apaecer cartelos d'otros deportes (golf, balonvolea, tenis, surf, rugby). El deporte, les fiestes y la prevención de riegos llaborales, según la política a partir de 1975, fueron les actividaes que más utilizaron el cartelu ente 1940 y 2000.

Nesta esposición amuésense 80 cartelos y otros materiales rellacionaos con ellos (bocetos, banderinos), que pertenecen a la rica colección del Muséu del Pueblu d'Asturies, y que nel so mayor parte fueron donaos al muséu por particulares. Son una amuesa representativa del cartelu deportivu d'esi periodu.