Chucho Valdés & Joe Lovano

Chucho Valdés y Joe Lovano, dos artistes que exemplifiquen los estándares de creatividá y esploración artística esixíos por un sellu tan venerable como Blue Note Records, xúnense por primera vegada nuna sola formación: Chucho Valdés & Joe Lovano Quintetu.

El pianista Chucho Valdés, ganador de 5 Premios Grammy y que graba pa Blue Note Records dende 1985, foi una figura clave na evolución del jazz afro cubanu mientres los postreros 50 años. El saxofonista Joe Lovano empieza a grabar pal sellu en 1990 y editó más álbumes en Blue Note Records que nengún otru artista.

Dambos son posesores d'una alta considerancia pola so audacia innovadora na vanguardia de la espresión artística y esta collaboración aumenta la so compartida busca de nueves fronteres na esploración jazzística.